[A:126a-441] / /pa ltar/ rnal 'byor yan lag drug la sogs pa'i lam bsgoms pa'i rnal 'byor mi rtog pa'i ting nge 'dzin la spra phab pa'i me long gi gzugs brnyan ltar gsal bar 'char zhing/ de bzhin du lus can gyi skyes bu rnams nam 'chi ba'i tshe yang/ rlung sems sems can thams cad kyi rgyud la yang don dam pa'i srid pa gsum la sogs pa'i chos thams cad kyi rnam pa snying po'i tshul du bzhugs shing/ sangs rgyas thams cad mngon par rdzogs par 'tshang rgya ba'i tshe yang/ rnam pa thams cad par 'tshang rgya ba yin te/ mdo las/ chos thams cad rnam pa thams cad du dbu mar 'dus shing/ las bzang ngan gyi rkyen sna tshogs pa mngon sum song ba'i dbang gis 'od gsal gyi rnam pa'ang sna tshogs pa ngang gis 'char zhing/ de nyid sngar 'od gsal phyag rgya chen mo'i lam sbyor ba yan lag drug la sogs pa'i lam la goms pa'i rnal 'byor pas rang ngo shes pa na 'od gsal ba la rgyun du gnas/ bar do'i grong khyer des mi mthong/ zhes gsungs pa ltar 'od gsal ma bu 'phrod pa'i tshul gyis 'bras bu'i dus su 'chi ba chos skur sangs rgyas te/ gzugs sku gnyis kyi snang ba bstan nas gdul bya'i don byed par 'gyur te/ Arya de ba'i bdag byin gyis brlab pa las/ sa'i khams ni chu la thim/ /chu ni me la thim pa ste/ /me ni rlung phra'i khams la'o/ / rlung ni sems la