[A:125b-440] chos nyid 'od gsal rnam pa can/ rnam pa du ma ngo bo ro gcig pa/ de la srid gsum dbyer med don du gsungs/ gzhan du smra ba rgyud sde'i dgongs pa min/ gnas lugs 'od gsal rnam pa thams cad pa/ dus gsum chos rnams kun gyi rnam pa can/ rnam pa du ma ngo bo ro gcig pa/ kun rdzob gzugs sogs rnam mkhyen bar gyi chos/ 'di las gzhan mchog gzugs nas rnam mkhyen bar/ chos nyid 'gyur ba med pa yod pa grub kyi/ gzugs nas sangs rgyas chos kyi bar dang ni/ rnam par dag pa'i gzugs nas rnam mkhyen bar/ /chos de kun gyi rnam pa tshang ba yin/ /yang dag mtha' la gzugs sogs gzhan zhes gsungs/ kun rdzob 'di las gzhan pa yin phyir ro/ /de bzhin khams gsum dang ni dus gsum las/ /'das pa'i gzugs nas rnam mkhyen bar du gsungs pa/ /de yang chos nyid rnam pa thams cad pa'i/ /rnam pa rnams la legs par 'gengs pa yin/ /zhes sogs rgya cher gsungs pa ltar lags shing / de yang hril gyis dril ba na/ mngon par rdzogs par 'tshang rgya'o zhes gsungs shing/ lam gyi gnas skabs su yang/ bsam pa thams cad yongs spangs nas/ /nyi ma cig ni yongs su brtag /gal te rtags ni ma byung na/ /de tsho nga yi rdzun tshig yin/ /zhes gsungs