[A:126b-442] thim par 'gyur/ sems ni sems las byung la thim/ /sems las byung ba ma rig par/ /de ni 'od gsal bar 'dre'o/ /srid pa gsum po 'di ltar 'gag/ ces dang/ rim lnga las/ ji ltar dwangs pa'i chu klong las/ /nya dag myur du ldang bar 'gyur/ /de don stong pa 'od gsal las/ /sgyu 'phrul dra ba 'byung bar 'gyur/ /zhes gsungs pa ltar/ gal te skal ba dman pas mchog ma thob na'ang/ rig pa 'dzin pa'i go 'phang thob par 'gyur te/ 'jam dpal zhal lung las/ gal te sku gsum ma thob na/ rig pa 'dzin pa'i gtsor 'gyur te/ rim gyis phyag rgya chen por 'gyur/ zhes gsungs pa ltar 'gyur zhing/ de bzhin du lam log pa la zhugs pa rnams kyis rang rgyud la ye gdod ma nas bzhugs pa'i bde bar gshegs pa'i snying po mngon du gyur pa mi shes par rang sems 'khrul ba'i snang bar gzung zhing/ chags sdang gi 'dzin pa la brten nas slar yang srid pa sgrub pa yin te/ bsdus rgyud las/ sems tsam sngags kyi ngo bo lha yis yongs su bskor ba sdug bsngal dang ni bde ba'i rang bzhin te/ dam pa rnams la zhi ba'i gzugs ni rang gis byas pa'i nyams myong mi zad rnams la mi zad pa/ gang gis las gang rab byas rang gi sems la cho ga bzhin du de yi 'bras bu de bskyed pa/ 'jig rten dbang po sna tshogs gzugs can srid gsum bskyed mdzad rdo rje sems dpa' la yang phyag 'tshal lo/ zhes pa dang /