[A:128b-446] dang de'i 'grel bar/ rjes su dran pas legs par dag pa zhes pa la/ 'di rjes su dran pa ni gzugs la 'khyud pa'i sems rnam par rtog pa dang bral ba'o/ /de'i phyir gang gi tshe dag par 'gyur ba de'i tshe dri med 'od kyi dkyil 'khor du 'gyur ro/ /kyang gi sgra las ba spu'i khung bu nas 'od zer lnga 'phro zhing nges par rgyu'o/ /ye shes gzugs las so/ /shes zhes pa stong pa'i gzugs las so shes gsungs pa ltar/ rjes dran gyi yan lag gis rnam par dag pa las rang gi lus ye shes kyi sku 'od kyi dkyil 'khor du snang zhing/ ba spu'i khung bu nas ye shes lnga'i 'od zer nam mkha' khyab par 'phro ba dang/ de la brten nas ting nge 'dzin gyi yan lag rim gyis mngon du gyur nas sa bcu gnyis rim gyis bgrod cing/ sa dang po thob pa'i tshe phyogs bcu'i 'jig rten gyi khams cig gi mthar thug par ma mthong ba'i don yang dag par mthong ba dang/ de bzhin du sa gnyis pa nas sa bcu pa'i bar du sa 'og ma 'og ma las nyis 'gyur gyis 'jig rten gyi khams kyi grangs mthong zhing/ sa bcu gnyis par phyogs bcu'i 'jig rten gyi khams nyi shu rtsa bzhi lhag pa'i stong phrag cig gi mthar thug par lkog tu ma gyur ba'i don yang dag par mthong ba dang/ sangs rgyas kyi sa bcu gnyis pa thob las stong chen po zhes bya ba phyogs bcur grangs med pa chen po'i 'jig rten gyi khams rnams sngar ma mthong ba'i don yang dag par mchog tu mi 'gyur ba'i ye she