[A:129a-447] / /grub pa'i mdor bsdus las lkog tu gyur ba'i don yang dag par ji ltar 'byung ba bzhin gyi sa thob lugs las sa bcu pa'i don du gyur ba'i rtags ji lta ba bzhin du snang zhing/ sa rnams rim gyis bgrod pa'i rmi lam gyi ltas kyang/ gser 'od dam pa las/ byang sems kyi sa dang po'i snga ltas ni/ rmi lam na stong gsum gyi stong chen po'i 'jig rten gyi khams te bye ba khrag khrig brgya stong gis yongs su gang bar mthong ngo / /de bzhin du sbyar te gnyis pa'i stong gsum gyi stong chen po'i 'jig rten gyi khams lag mthil lta bur gyur pa la rin po che bye ma khrag khrig brgya stong du mas legs par brgyan pa mthong ngo / /gsum pa'i bdag nyid dpa' zhing lag cha dang go cha dang go cha sra ba thogs nas phas kyi rgol ba thams cad 'dul bar mthong ngo / /bzhi pa'i phyogs bzhi nas rlung gi dkyil 'khor bzhis thams cad dang ldan pa'i dkyil 'khor la me tog sna tshogs kyis mngon par 'thor ba mthong ngo / /lnga pa ni brgyan thams cad kyis brgyan pa'i bud med kyis mgo la me tog tsampa ka'i sprod pa 'dogs pa mthong ngo //drug pa'i rdzing them skas bzhi dang ldan pa gser gyi bye ma brdal ba rnyog ma med cing dngas dwangs la yan lag brgyad dang ldan pa'i chus yongs su gang ba la me tog utpal dang ku mu ta dang padma dkar po'i chu mthong ste/ de la bdag nyid rtse dga' zhing dga' mgur yongs su spyod pa mthong ngo / /bdun pa ni phyogs g.yas