[A:130a-449] / /mkhyen pas/ de rnams ji ltar bka' stsal ba bzhin nges par 'dug/ lam nyams su len pa la ngo sprod kyi gnad 'di rang gal che ba zhig 'dug ste/ da lta'i sgom chen phal che ba rnams la nyams rtogs legs par skyes kyang/ de ji lta ba bzhin ngo sprod pa'i bla mar dkon zhing/ ngo 'phrod pa'ang dka' gsung/ yang thams cad mkhyen pas/ mkhyen bzhin du dgos pa bla na med pa la dgongs nas/ rje drung du / sku mdun nyid sku skyes ba snga ma gang 'dra bar bzhes/ 'gro don 'phrin las ji lta bu bskyangs/ sngon gyi gnas rjes su dran pa'i bka' gnang rgyu ji ltar yod gsung ba la/ bdag byis pa'i dus nas rmi lam du/ chos kyi rje jo mo nang pa'i gsung bde bar gshegs pa'i gsung rab rnams kyi gnad bsdus pa zhig gi dpe cha mda' tshad lcags smyig gis bris pa cig yod pa dpe cha mang po'i gseb nas 'tshol zhing/ ma rnyed pa'i ngang nas gnyid sad pa'i tshe yang/ yun ring por de ka'i bag chags kyi dbang du 'gro zhing/ slar tshe 'di'i snang ba 'char phyi mo tshun yod pa/ phyis chos rje mkhas pa'i dbang po chos rje kun mkhyen chen pos mdzad pa'i mngon par rtogs pa'i rgyan gyi 'grel pa yum gyi mdo dang sbyar ba de gnang byung