[A:129b-448] g.yon gnyis na sems can dmyal ba'i g.yang sa mthong ste/ de la bdag nyid ma rmas ma nyams par slar ldog par mthong ngo / /brgyad pa ni phrag pa gnyis na ri dgas dwags kyi rgyal po seng ge ral pa can cod pan thogs pas gcan zan phra mo thams cad skrag par byed cing 'dug par mthong ngo // dgu pa'i 'khor los bsgyur ba'i rgyal po mthong ste skye bo phrag khrig brgya stong du mas yongs su bskor zhing mdun gyi sa la rin po che sna tshogs kyi spras pa'i gdugs dkar po 'dzin pa mthong na/ bcu pa'i de bzhin gshegs pa'i sku mthong ste kha dog gser lta bu la 'od 'dom gang pa/ tshangs pa bye ba khrag khrag du ma yongs su bskor zhing 'dun gyi bltas nas chos ston pa mthong ngo / /zhes gsungs pa ltar las/ sa bcu pa mngon du gyur pa'i rtags ji lta ba bzhin du 'ong zhing de ltar du ngo sprod pa lags/ 'o na de nas gnyid la sogs pa'i sgrib pa lnga zad par bshad pa dang 'gal ba yang ma yin te/ de lta bu ni 'jug par rang dbang med par bsdud pa'i gnyid yin la/ 'dir bshad pa ni bsam gtan gyi ngo bor gyur pa'i dge ba'i gnyid yin pas mi 'gal ba nyid do/ /de yang thog mar cung zad thugs ngal ba'i rnam pa 'char ba ni/ 'dod pa'i mi'i rten la nye bar brten pa'i mthu las snang tshul de ltar 'char ba go lags/ zhes zhus pa'i tshe/ thams cad