[A:132a-453] / /TIka/ sgrub dkyil/ khrid yig/ bstod tshogs/ gsung sgros phran tshegs tshun chad kyi yig cha mtha' dag rnams thugs rtsol chen pos sgrub pa gnang ba'as rting sor tshang ma 'byor 'dug cing / de dag la'ang thugs kyi nges pa brtan po gting tshugs pa 'khrungs nas ston pa rin po che'i gsung dang khyad med pa tsam du mdzad ces grag go /de nas thams cad mkhyen pa'i bsnyen par rdzogs pa yang ji lta ba bzhin legs par grub/ gsung chos 'bul bar 'os pa rnams kyang phal cher dgongs pa dang sbyar/ sku skye ba 'di'i bstan pa'i bya ba rlabs po che'i thugs khur phogs pa'i tshul gyis thugs bag glod pa lta bus sku khams cung zad brten pa'i rnam pa'i snang tshul gyi skabs su/ thams cad mkhyen pas sku tshe mi 'gyur zhing brtan pa'i rtena'abrel du kha btags rdo rje gsang lam dris dri ma gos pa cig bzhugs gdan du phul te/ dam pa 'di nyid kyi dus gsum gyi rnam par thar pa mdor bsdus te brjod pa'i sgo nas bstod pa/ dam pa khyod ni ring mo'i dus zhig nas/ /sangs rgyas bye ba rgya mtsho'i mchod byas shing/ /dge tshogs rgya chen yongs su 'grub gyur pa/ /dpal ldan chos grub seng ge de la bstod/ /slad 'dir smon lam rnam dag legs drangs te/ /bdag sogs gdul bya'i bla na nyi bzhin gsal/ /