[A:132b-454] phan bde ma lus rtsol ba'i bka' drin can/ /dpal ldan chos grub seng ge de la bstod/ /ha cang yun mi ring bar nam zhig na/ /phyogs bcu'i zhing khams mtha' gtugs thams cad par/ /mngon par rdzogs byang chub pa chos kyi rje/ /dpal ldan chos grub seng ge de la bstod/ /de ltar dang ba'i yid kyis mi phyed par/ /lus ngag yid gsum phyag 'tshal bstod bgyis te/ /dpal ldan bla ma chos grub seng ge yis/ /sku gsung thugs kyis rjes su 'dzin gyur cig//kun rdzob don dam chos dang chos nyid kyi/ /dkon mchog gsum de bden pa'i rten 'brel las/ /smon lam 'di nyid yongs su 'grub pa dang/ /rgyal ba'i bstan pa kun dutu rgyas gyur cig//ces brtan par bzhugs pa gsol ba 'debs pa gnang bas/ de ka'i mod la snyun dngas dwangs shing/ skabs der bla ma ri bo gser gling pa zhes mdo sngags kyi sku yon du mas brgyan pa kong lung par grags che ba cig bsnyen rdzogs zhu bar byon/ rje nyid mkhan po/ las slob mkhan chen rin chen bkra shis/ gsang ston rab 'byams pa shA kya rgya mtsho/ dus bsgo ba stong lung ri khrod dgon gsar gyi bla ma dka' bcu pa nor bu ba sogs dad pa'i dge 'dun bcu phyin gyi drung du bsnyen par rdzogs shing/ phyis phrin las