[A:140b-470] dag pas kun nas blangs te/ phyogs du mi mnyam legs byas kyi yon tan grangs med pas mngon bar 'byor ba'i lha/ dpal sa skyong ba'i dbang po kun dga' bsod nams rgyal po sku mched drung gi zhabs phyir drung skor gyi tshogs kyi yongs su bskor ba'i chibs hrags kyis bskor ba/ lha'i dbang po yongs 'du'i tshal du mngon par rgyu ba las ches lhag pa'i brtan g.yo'i bcud 'phrog pa ltar bcas te/ pho brang chen po nas rgyang grags kyi sa'i bar nas spyan drangs shing de dag gi lam bar yang/ tshogs sde chen po la sogs pa sde yar mar gyi bde ba'i bshes gnyen rnams kyis gdugs rgyal mtshan rol mo la sogs pa mchod sprin sna tshogs pa dang bcas pa'i ser sbrengs dang/ skye bo'i tshogs bgrang ba las 'das pas glu gar la sogs pa/ mdor na de bzhin gshegs pa lha las babs pa'i bkod pas kyang mi mtshon pa lta bu'i bkod pa chen po spyan drangs te/ sa pho byi ba lo hor zla ba dang po'i tshes bcu bdun la pho brang chen por/ mi'i dbang po'i lo dus kyi mchod 'bul chen mo'i steng du phyags phebs shing/ de nyin nas gzung te/ zhag mang po'i bar du mchod yon mjal ba'i dgyes spro bsam gyis mi khyab pa/ dpal rnam mang thos pa'i sras po'i bang mdzod la dbang bsgyur ba lta bu'i dpal 'byor la ci dgar longs spyod pa nyid do// de nas