[A:141a-471] / /rim gyis dol bkra shis dpal khang du zhag cig bzhugs/ der nyan khang 'tsho mdzad pa zhes bya bas phyag rtsa zhus pa na/ drang srong rnams kyi dpyad las legs par gsungs pa ltar na ni/ bdag nyid chen po 'di nyid zhing 'di'i gdul bya rnams la thugs rje'i gzigs pa myur du gtong bar 'gyur ro zhes the tshom med pa'i gtam du bsgrags/ de nas rgyal chen gling du mchod yon lhan cig tu phebs/ zhag gsum sbrel du bzhugs pa'i tshe/ 'phyong rgyas su dpon sa mi'i dbang mo bsod nams dpal mo sku tshe ma brtan pa'i bsngo zhus/ mtshan nas smos pa'i thugs dam skyabs su chug pa'i zhu yig dang / des mthun dpon sa rin po che'i drung gis kyang sger gyi thugs dam skyabs 'og 'bul bar dbon po lags bsod dbang pa gnang/ de'i tshe dbon slob lags bsod dbang pa la bka' stsal ba 'di bzhin gnang te/ nged rang lo don gnyis don gsum tsam zhing 'dir 'dug pa'i tshad yin na'ang/ da bar 'tsho ba karma pa'i bsnyen rdzogs kyi sgug sdod yin/ da shol dang bcas na lo yang brgyad bcu la 'dzogs/ karma pa'i bsnyen rdzogs grub phyin chad 'khor nas yum sras drung dang mjal/ tshogs pa rnams kyi gdan pa 'di yang bskos/ de tsam nas arge nged rang la tshe 'pho ba'i gnas su mi dbang chen pos gnang