[A:142b-474] yin no/
drug pa/ rtag par 'dzin pa'i 'gro ba rnams kyi zhen lta ldog pa'i slad du sku'i bkod pa rnam par grol ba'i lus su bsdus nas mkha' khyab kyi ting nge 'dzin la mngon du mdzad pa'i tshul ni/ de la bdag nyid chen po de nyid/ zhing 'di'i gdul bya rnams 'dul ba'i bzhes da re zhig rdzogs nas mdzad mtha' la mngon par phyogs te/ dus mkhyen par gsung zhing dpa' bo dang rnal 'byor ma'i tshogs kyis yongs su bsus nas shambha chos kyi pho brang chen por gshegs te/ slar yang mchog gi sprul pas byang chub kyi sems sgrib med chen po'i 'jug gnas ldang gsum mngon du gyur ba'i sgo nas gdul bya dag ma dag sna tshogs yongs su 'dul bar mdzad pa'i sprul ba'i sku nam mkha' khyab par mdzad pa ni 'di ltar/ de yang / rje btsun chen po mya ngan las 'da' bar gyur ba'i lo gcig gi snga rol me mo phag gi nag pa'i dus la nye ba'i tshe/ rdzamon rtse na sgrub chen shin tu bzang ba/ tshe dang bsgrub pa snyam pa/ rtag tu dka' thub la nye bar bsnyen pas sku'i stobs lhag par zhan zhing spyan yang rim por song ba zhig bzhugs pa de nyid kyis/ 'dren pa 'di nyid yun mi ring bar dag pa'i zhing du thegs pa'i tshul mkhyen nas lam mi brtol ba sogs kyi 'jigs pa gang la'ang nyam