[A:145a-479] / /brda kho nar mngon zhing/ 'gro ba gzhan gyi dag pa'i snang ba la'ang / rje nyid zhing 'pho ba'i ltas ngo mtshar ba dag shar ba 'di lta te/ khyi lo'i dbyar gyi dus su/ las dag pa la la'i rmang / rmi lam du/ rje nyid seng ge dkar mo rin po che'i brgyan du dman brgyan pa zhig la chibs te/ sku gzi brjid dang ldan zhing 'od dang 'od zer gyi phung po mtha' yas pa dang bcas pas byang gi phyogs kyi nam mkha' la 'ur sgra chen po dang bcas te thegs pa'i nyams dang/ de nyid nas gzung te lung pa thams cad gsol 'debs kyi sgras gang ba mngon sum du nyams la shar ba na/ rje btsun 'di nyid mya ngan las 'da' ba'i tshul bstan nas gdul bya rnams kyis gsol ba 'debs pa'i sgra yin pa 'dug snyam pas dus 'da' ba byung 'dug cing/ de bzhin du 'ga' zhig la/ lo de nyid kyi tshe rje dpon slob bdun pa zhig chibs dang na bza' sngon po 'ba' zhig par gnang ba'i rol mo'i bye brag mtha' yas pa thogs pas bsu ba dpag tu med pa dang bcas te byang phyogs kyi nam mkhar gshegs pa'i thugs nyams byung ba dang/ gzhan snang de lta bu'i dag snang mang po byung ba dag ni yi ge ngal bas 'dir ma 'khod/ khyad par byi ba lo hor zla lnga pa'i tshes brgyad kyi nyin