[A:145b-480] dpal ldan ar dge'i chos kyi sger gnas nyid du dge tsha chen mo mdzad/ de'i tshe stod smad bar gsum gyi skye bo dang rab tu byung ba sogs dkar po'i las la mdun 'dun zhing yongs su 'dzin pa chen mo'i zhal gyi dkyil 'khor blta ba dang gsung gi bdud rtsi'i dga' ston myong bar 'dod par mtha' dag 'dus te/ dge ba'i las lam rlabs po che bsgrub pa'i mthar bdag cag rnams la/ rje btsun chen po'i sku dkyil 'khor mngon sum du bstan nas chos kyi bdud rtsis tshim par mdzad du gsol ba zhes gsol ba btab pa na/ drung na 'khod pa rnams kyis/ da lam sku mtshams kyi bcad rgya'i bar chad du 'gyur bas/ byin la mjal kha dang gsung chos gnang ba 'di 'then pa legs tshul do gal du phul na'ang/ rje'i gsung gis/ de ring khong rnams ji ltar gsol ba 'debs pa ltar gyi 'dod pa ji lta ba bzhin bsgrub dgos/ de'i rgyu mtshan/ skye bo 'di rnam pa phal cher nged rang la dad pas mdun 'dun pa yin zhing/ khong tsho'i bsam pa'ang nged rang tsho'i bla ma rgan po 'dis kong po bskor ba yin pas/ da bzhin gyi rnam 'gyur ji lta bu zhig byas yod dam snyam pa'i yid the tshom gyi khyogs la 'chang bzhin par yod pa dang/ khyad par khong rnams