[A:147b-484] bdun pa rgyas pa/ sangs rgyas sum bcu rtsa lnga'i bstod pa tshigs bcad ma dang bcas pa sa gnang ba'i mod la dar cig ting nge 'dzin la bzhugs par gyur cig/ slar ting nge 'dzin las bzhengs pa na/ bdag cag rnams kyis sku drung nyid la da lta thugs nyams kyi khyad par ji lta bu zhig shar ba lags zhes zhus pa'i tshe/ kho bo la snang ba ma dag pa 'di rnams bun mong te song ba'i mthar/ mdun gyi nam mkhar sangs rgyas sum bcu rtsa lnga gral bsgrigs te bzhugs pa zhig shar gsung yang/ de'i nyin slob dpon tsantra go mi dpon slob gsum phebs byon pas mchod pa bshoms shig gsung ba'i tshe/ gzims khang gi sgo drung du dzo gi shin tu gzugs bzang zhing mdzes pa khol po gnyis dang bcas pa byung ba la/ ja la sogs pa bsnyen cing bkur bas mchod nas/ slar gzims khang la bskor ba gsum bgyis te song ba thams cad kyis thun mong gi spyod yul du gyur ba dang/ de'i rjes su zla ba de'i tshes nyi shu'i tho rangs rje nyid bzhengs te/ gsung tshangs pa'i dbyangs lta bus dus kyi 'khor lo'i dbang sngags rnams bzla ba dang/ ljags mchil gyis sku lus kyi cha thams cad la byug pa'i tshul gnang gi 'dug pas/ de lta bu ci yin lags zhus pa'i tshe/ da lta thams cad mkhyen pa gnyag dbon bsod nams bzang po dang dngos su mjal ba'i gsung las/ dus kyi 'khor lo'i dbang sngags