[A:147a-483] / /nged kyang rang gi las kyi lhag ma bdag gir byed pa yin no zhes gsung zhing cung zad bsnyun pa'i tshul ston par gyur to/ /de nas skabs skabs su/ ri ra ba/ khang khyim/ lus kyi rnam pa sogs kun rdzob gyi chos 'di rnams gtan mi snang bar re rang yong gin 'dug gsung ba dang/ yang zla ba de'i tshes bcu bzhi'i tho rangs/ skad cig gis bzhengs te/ chos rnams kun gyi de nyid gzigs/ /zhes pa la sogs pa'i rje btsun gyi bstod pa de nyid gsung gi gdangs chen pos 'don pa dang/ ljags mtshal gyis phyag zhabs thams cad la byug pa'i tshul gnang gi 'dug pa la/ de lta bu tsam lags zhus pa'i tshe/ da lta rje btsun grags pa rgyal mtshan dngos su byon pa'i gsung las/ yan lag na ba la gsang sngags rgya mtsho ma bzlos la mchil ma byugs pa dang/ de yis sel bar 'gyur ro zhes gsung ba ltar gyis pas shin tu phan par byung/ rje btsun sa skya pa yab sras kyi thugs rje 'di rang gzhan dang mi 'dra ba 'dug gsung/ yang tshes bco lnga'i tsha rting ma'i thog/ khyed rnams kyis mchod pa rgyas par bshams shig/ khyer rang rnams kyang tshogs rdzogs pa yin mod ces phebs pa'i tshe/ bdag cag drung na 'khod pa rnams kyis mchod pa'i rnam grangs rgyas par bshams pa na/ rje nyid phyag rgya'i rnam 'gyur du ma dang bcas te yan lag