[A:149a-487] / /thugs kyi lhag ma med lags sam zhus pa'i lan/ kho re thon cig/ sangs rgyas la thugs kyi lhag ma shin tu yod/ 'dren pa nyid mya ngan las 'da' ba'i sngon rol du/ 'phags pa kun dga' bo la kun dga' bo/ gang rdzu 'phrul gyi rkang pa'i rten goms pa lan mang du byas na/ bzhed na bskal pa'am bskal ba las lhag par bzhugs nus kyi/ ngas kyang rdzu 'phrul gyi rkang pa'i rten goms pa lan mang du byas so zhes sgrub ngag bkod pa na/ 'phags pa kun dga' bos/ mya ngan las mi 'da' bar gsol ba ma btabs pa dang/ ston pa nyid kyis 'phags pa 'od bsrungs chen po bstan pa'i bdag por mnga' gsol na phyis bka' bsdu mi dgos pa la de ltar ma bskos pas phyis mya ngan las 'das nas bka' bsdu mdzad dgos pa dang/ gzhan yang ston pa nyid kyis rang nyid sku bltams pa la sogs pa'i mdzad pa'i tshul rnams kyis dus nges pa can gsung ba na/ da ltar gdul bya rnams de dag gi don la rtsod par mi 'gyur ba las/ de ltar ma gsung pas da ltar dus chen la sogs pa'i dus la rtsod pa 'byung ba rnams yin no zhes phebs pa'i tshe/ bdag cag rnams kyi bsam pa la rdzu 'phrul rkang pa'i rten goms kyi 'phros des brtan par bzhugs dgos pa'i bka' mchid yin nam snyam te/ de ltar na bdag cag rnams ni zhabs drung nyid bstan pa dang 'gro ba'i don du yun ring po zhabs brtan