[A:149b-488] par gsol ba 'debs na/ thugs rje'i bdag nyid can gyi de ji lta ba bzhin thugs brtse bas rjes su gnang du gsol/ zhes gsol ba btab pas/ sangs rgyas la de ltar yin byas pa yin/ nged rang gong du labs pa bzhin yun ring por mi sdod pas sgrub mchod 'di la khyed rnams kyis 'bad pa gal che'o gsung/ yang nyer gsum gyi nyin/ rnam rgyal ba khyed rnams kyis tshogs kyi 'khor lo rgya chen po bshams shig/ rgya bod kyi mkhas grub rab tu byung ba dang/ rnal 'byor pa dang/ rnal 'byor ma'i cha lugs 'dzin pa mang po byon gsung ba la/ maMsa la sogs pa'i tshogs kyi yo byed byed dgos lags sam/ ma ta na la bdud rtsi ril bu sbyar ba'i dam tshig gi rdzas sbyar ba bshams pas mthus lags zhes zhus pa na/ kun rdzob pa'i tshogs kyi yo byad mang po bshams mi dgos/ sha lnga bdud rtsi lnga btab pa'i grub pa'i ril bu ma ta na la sbyar ba de mchog yin phebs pa bzhin ma ta na la bdud rtsi til bu sbyar ba de phyag tu phul ba na/ de nyid sbyang ba dang/ sbar ba dang/ spel ba dang/ byin gyis rlobs la sogs pa'i cho ga mdzad de mchod pa'i tshul sna tshogs pa mdzad cing/ mthar rje nyid kyis kyang rol ba dang/ drung na 'khod pa rnams la'ang gnang te/ 'o de ring gi tshogs 'khor mtshan nyid dang ldan pa yin no gsung/ de'i tshe drung nam rgyam pas/ de ring gi grub thob de