[A:30a-249] / /gang gi thugs dang zhal la gnas pa gyur pa de ni dpal ldan bla ma'o/
/zhes gsungs pa ltar gyi dpal ldan bla ma dam pa khyab bdag rdo rje 'chang chen po bsod nams seng ge'i drung gis/ dus kyi 'khor lo'i mchog dbang gong ma bzhis smin par mdzad nas/ grol bar byed pa'i lam theg pa thams cad kyi don gyi bcud phyung zhing/ mdo rgyud thams cad kyi snying po bsdus pa/ 'jig rten dang 'jig rten las 'das pa'i dngos grub thams cad 'byung gnas/ dus gsum gyi sangs rgyas thams cad kyi bgrod pa cig pa'i lam mchog mthar thug/ rnal 'byor dbang phyug thams cad kyi 'jug ngogs sam gshegs shul/ khams drug ldan pa'i skyes bu chen po'i gang zag skye ba gcig la sangs rgyas nyid 'bras bu thob par byed pa'i nye lam mam myur lam khyad par can rgyud kyi rgyal po du ma rnams su rdo rje'i tshig tu sbas zhing gsang ba'i don/ dpal dus kyi 'khor lo'i rtsa ba'i rgyud mchog gi dang po'i sangs rgyas stong phrag bcu gnyis par rab tu gsal bar gsungs pa/ shin tu rnam par dag pa'i phyag rgya chen po'i lam gyi rim pa zab lam rdo rje'i rnal 'byor yan lag drug pa zhes yongs su grags pa de nyid kyi lam gyi rim pa la bkri bar mdzad nas/ rdo rje'i lus la gnad du bsnun pa'i tshe rang grol ba'i tshul bstan/ thun mong ma yin pa'i sngon 'gro dben sa gsum gyi