[A:356b]rdzogs rim yar klung pa'i lugs kyi nang khrid thun mong pas byas pa'i lugs dang / rdzogs rim thun mong ma yin pa gsang khrid kyi byas pa ste lugs gsum tsam las/ dang po ni gong du bstan zin pa dang / da lta'i phyag len la gsum pa thob na gnyis pa'ang zhar las 'byung bas/ thams cad mkhyen pa mkhyen brtses mdzad pa'i khrid yig yid bzhin nor bu la gzhi byas/ yig chung zhal shes sogs kyis legs par brgyan te/ sngon 'gro skyabs 'gro sems bskyed/ yi ge brgya pa/ bla ma'i rnal 'byor/ dngos gzhi rten bskyed pa'i rim pa khrid gzhung du bshad kyang brag rdzong ma rgyas par song bas yang bskyar ma dgos/ brten pa rdzogs pa'i rim pa rdo rje'i lus kyi gnad shes pa la brten nas rang sems gsal stong zung 'jug gi mgon po mngon du bya ba'i nyams len rtsa gsum 'khor lo lnga la brten nas bsnyen pa'i dmigs rim 'khor lo lnga ldan dang / rdo rje'i bzlas pa'i sgo nas sgrub pa'am dad pa/ las sbyor thun mong ba bstan pa'i spyi dgra dang / rnal 'byor sgos dgra bsgral ba/ thun mong ma yin pa 'khor lo lnga ldan gyi khrid dang