[A:134]bcu bzhi bskyangs te/ sangs rgyas kyi bstan pa gsal bar mdzad cing / de'i zur chen pa ni sde snod 'dzin pa dpal gyi rgyal mtshan dang / chos kyi seng ge'o/ /de'i rjes su bdag chen po de'i bka' chos kyi rgyal sar sa chen po la bzhugs pa'i sems dpa' chen po grags pa rin shing mo sbrul gyi lor bskos shing / lo gsum gyi ring rgyal srid bskyangs te/ me mo lug gi lo chu stod zla ba'i tshes gsum la zhi bar gshegs/ de'i tshe kun gyi mthong snang du grub par nam mkha' la sgra dang me tog sna lnga'i char chen po bab pa la sogs pa ngo mtshar ba'i ltas bsam gyis mi khyab pa byung ngo / /de'i rjes la sde snod gsum la blo yangs shing / khyab par sde bdun smra ba rnams kyi nang nas mchog tu gyur pa 'jam dbyangs sngon pos bla chos lo gcig gsungs/ de'i rjes su tshogs gnyis sngon du song ba yon tan du ma la dbang sgyur ba'i bdag nyid/ drung bsod nams grags pa rgyal mtshan dpal bzang bo bstan pa'i bdag por dbang bskur nas/gangs can 'di na da lta bstan pa 'dzin pa rnams kyi gtsug gi nor bu bzhugs so/ /thos na rna ba'i dbang po tshim byed pa/ /mthong na mchog tu dwangs pas yid dge zhing / /sten na thugs rje'i dbang gis dge ba 'phel//ngo mtshar khyod kyis bstan pa skyong bar shog/