[A:135]brgyad pa/ sa skya'i gdung rgyud dang de dag gi mdzad pa'i skor/ mgon po 'jam dbyangs kyi rnam par sprul pa dpal ldan sa skya pa'i gdung rgyud rnam par dag pa 'dis bstan pa'i 'phrin las mtshungs pa med pas 'dzam bu'i gling 'dir mi rigs skad rigs mi gcig pa du ma dam pa'i chos kyis bskyangs shing / bstan pa'i bdag po mdzad la/ khyad par bod la bka' drin che ba'i lo rgyus ni bstan pa phyi dar du grags pa'i bod du gtsug lag khang dang sde mang po 'phel/ jo bo chen po rje bod du byon pa'i rjes su zhugs pa'i mkhas grub mang pos bstan pa bskyangs shing / rngog lo la sogs pa'i bshad nyan dar ba'i skabs su/ hor gyis rgyal khams mnan zhing / bod kyi ngo lta ma bcag pas/ bstan 'dzin chen po rnams kyang thugs the tshom du gyur pa'i skabs su/ rje btsun chen po'i lung bstan bzhin thams cad mkhyen pa chos rje sa skya pa la hor gyi gdan 'dren byung ma thag bstan pa rin po che gsal bar byas pa dang / gangs can pa la sogs 'gro ba dum skyob pa'i phyir sku srog la ltos pa med par hor yul du byon/ de nas bzung ste skad rigs mi gcig pa du ma smin par mdzad/ khyad