[A:14]'khor ba zad/ da ni srid pa med do ces tshe dang ldan pa mo'u 'gal gyi bus smras pa dang / bcom ldan 'das kyis bka' bstsal pa/mo'u 'gal gyi bu legs so legs so/ /khyod kyis dge slong rnams kyi rigs rgyud las brtsams te chos kyi gtam smras pa legs so legs so/ /'di yun ring bo'i don dang phan pa dang / bde bar 'gyur ro gsungs so/ /'di la 'ga' zhig na re/ srid par skye ba zad pa ni bden mod kyi/ shAkya chen po'i gdung da dung ma chad pa yin te/sras sgra gcan 'dzin bzhugs pa'i phyir zer ro/ /shAkya chen po'i gdung chad ma chad gleng ba'o/ /'di rnams 'go smos pa tsam yin gyi/rgyas par ni mdo sde dang 'dul ba lung du lta la/ de tsam blta mi nus ba rnams kyis ni/ chos rgyal rnams kyi bka' tshig yi ge dang / bla ma chos kyi rgyal po'i shes bya rab gsal la sogs pa pa mkhas pa'i yig tshang mas shes par bya'o/ /bcom ldan 'das ni dang por byang chub mchog tu sems bskyed/ bskal grangs med du mar sgrib gnyis spyangs shing/ tshogs gnyis bsags nas/ dga' ldan du lha'i gnas su dam pa tog dkar por gyur te bzhugs pa las/ gdul bya dus la bab par mkhyen nas rtsod ldan gyi dus 'dzam bu gling gi mi rnams kyi tshe lo brgya thub pa'i dus/ 'phags pa byams pa dga' ldan du byon/ rgyal tshab dam par bskos te/ gling 'dir yab rgyal po zas gtsang ma dang / rgyal po legs par rab gsalagyi sras mo sgyu