[A:15]'phrul chen mo'i sras su sprul pa'i skur bstan te/ dpyid zla tha chung tshes brgyad skar ma rgyal gyi dus su bltams/ de yang jo bo rje'i lugs kyis shing pho byi ba'i lo la lhums su zhugs/ shing mo glang gi lo la bltams/ sa mo phag la sangs rgyas/ shing pho spre'u'i lo la mya ngan las 'das par bzhed la/ chos rje sa skya pas me mo yos la lhums su zhugs/ sa pho 'brug la bltams/ chu pho stag la sangs rgyas/me mo phag la 'das par bzhed do/ /bcom ldan 'das dang dus mnyam du yul dbus kyi rgyal po bzhi la bu btsas te/ mnyan yod du rtsis kyi ring 'phur tshangs byin gyi bu ni gsal rgyal lo/ /rgyal po'i khab tu rgyal po padma chen po'i bu ni gzugs can snying po/ /ko shambhi nar rgyal po dmag brgya pa'i bu ni shar pa'o/ /
zhes sngon byung nas bshad
'phags rgyal du rgyal po mu khyud mtha' yas kyi bu ni gtum po rab snang ngo / /byang chub sems dpa' bltams nas zhag bdun nas yum 'das te sum cu rtsa gsum du skyes so/ /grags 'dzin ma dang sa mtsho ma la sogs pa btsun mo brgyad khri bzhi stong bzhes te/ dgung lo nyi shu rtsa dgu khab tu bzhugs nas/ lo drug dka' ba spyad nas byang chub snying por gshegs te/ sa gas nya ba'i tshes bco lnga la srod la bdud btul/ nam gung la mnyam par bzhag tho rengs mngon par rdzogs par sangs rgyas te/ mi mjed kyi bdag po tshangs pas gsol ba btab nas/ wa ra na sir drang srong lhung ba/ ri