[A:16]dwags kyi nags la sogs par lo drug gam bdun du/ thog mar 'khor lnga sde bzang po la sogs pa theg pa dman pa'i gdul bya shas che ba rnams la bden pa bzhi'i chos kyi 'khor lo bskor ro/ /de nas bya rgod phung po'i ri la sogs par lo sum cu so gcig gam/ nyi shu rtsa bdun nam/ sum cur 'khor byang chub sems dpa' bye ba khrag khrig brgya stong dang / dgra bcom pa stong nyis brgya lnga bcu'am lnga stong la sogs pa theg pa thun mong ma yin pa mtshan nyid med pa'i chos kyi 'khor lo gnyis pa bskor ro/ /de nas ri mA la ya dang /yangs pa can la sogs par 'khor theg pa thams cad la yang dag par zhugs pa'i byang chub sems dpa' la dus lo bcu'am/ bdun nam/ kha cig lo nyi shu rtsa drug gam rtsa brgyad du don dam rnam par nges pa'i chos kyi 'khor lo bskor ro/ /des mdzad pa mtha' dag rdzogs te/ sA la'i tshal du dgung lo brgyad cu la mya ngan las 'da' ba'i tshul bstan/ de nas bsdu ba mdzad pa'i tshul ni/ nyan thos lugs dang theg chen lugs gnyis las/ dang po'i lugs kyi bsdu ba dang po ni/ kun dga' bo dgra bcom par gyur pas mdo sde'i sde snod bsdus/ 'phags pa nye ba 'khor gyis 'dul ba bsdus/ 'od srungs chen pos mngon pa bsdus so/ /bsdu ba gnyis pa ni/ ston pa 'das nas lo brgya dang bcu lon pa na/ yangs pa can du rgyal po mya ngan med kyis spyin bdag byas te/ dgra bcom pa bdun brgyas