[A:17]bsdu ba gnyis pa byas so/ /gsum pa la/ lung na mid pas mi mthun pa kha yar snang gsungs kyang ston pa 'das nas lo gsum brgya na kha che'i yul du rgyal po ka ni kas sbyin bdag byas te/ gyes pa bco brgyad bkar bsgrubs so/ /de yar bcad yi ger bris pa med ces zer zhing / kha cig ni bsdu ba snga ma gnyis la'ang yi ger bris par bzhed/ gnyis pa theg chen gyi lugs ni/ rgyal po'i khab kyi lho phyogs bi ma la sa bha ba zhes pa'i ri la rgyal sras 'bum phrag bcu 'dus te/ 'jam dpal gyis mngon pa/ byams pas 'dul ba/phyag rdor gyis mdo sde 'dus so zhes grag go /de nas bcom ldan 'das kyis lung bstan nas bstan pa'i gtad rabs ni/ 'od srungs kun dga' sha ni gos can dang / /nye sbas bhI ti ka dang nag po dang / /legs mthong chen po bstan pa'i gtad rabs bdun/ /'dul phran tshegs nang nas 'byung ba yin/ lang kar gshegs pa las/ bde gshegs mya ngan 'das nas ni/ yang dag bstan pa su zhig 'dzin zhes sogs kyi 'grel par/ thub pa nas bhIti ka'i bar lung dang 'dra ba las/ des bi bha ga la/ des btsun pa bungha nan ti la/ des bungha mi da la/ des slob ma dge slong rtsibs la/ des pu na sha ta la/ des ngha skad la/ des ma na shi la/des klu sgrub la/ des arya de ba la/ des ra hu la la/ des samgha nam ti la/ des dge slong dgra bcom pa la/ des gha la sha