[A:6]tshad drug stong dang phyed dang bzhi brgya yod do/ /de'i shar na rnga yab dang / nub na rnga yab gzhan zhes bya ba gling g.yog gnyis yod do//'dzam bu gling 'di'i yul dbus su gyur pa ni ma ga ta ste/ dus gsum gyi rgyal ba 'byung ba'i gnas su gyur pa'o/ /de nas byang du ri nag po dgu 'das pa'i pha rol na gangs ri dpal dang ldan pa zhes bya ba yod do/ /de'i pha rol na ri bo spos ngad ldang zhes bya ba yod do/ /de gnyis kyi bar na klu'i rgyal po ma dros pa'i gnas mtsho ma dros pa zhes bya ba dbyibs gru bzhi/ ngos re re la dpag tshad lnga bcu lnga bcu dang / zabs yang dpag tshad lnga bcu yod pa/ mtha' skor du dpag tshad nyis brgyas 'khor ba/ yan lag brgyad dang ldan pa'i chus gang ba yod do/ /de las ni chu bo chen po bzhi 'bab ste/ chu bo gang gA ni shar nas brag glang po che'i kha 'dra ba nas dngul gyi bye ma 'dren cing chu phran lnga brgya dang bcas te shar phyogs kyi rgya mtshor 'bab bo/ /lho nas sindhu ni brag khyung mchog gi kha 'dra ba nas bai DUrya'i bye ma 'dren cing chu phran lnga brgya dang bcas te lho phyogs kyi rgya mtshor 'bab bo/ /nub nas dpag bru brag rta'i kha 'dra ba nas shel gyi bye ma 'dren cing chu phran lnga brgya dang bcas te nub phyogs kyi rgya mtshor 'bab bo/ /byang nas si ta brag sang ge'i kha 'dra ba nas gser gyi bye ma 'dren cing chu phran lnga brgya dang bcas te byang phyogs kyi rgya mtshor 'bab bo/ /chu de dag gis ni mtsho ma dros pa la lan bdun