[A:7]bdun g.yas yu bskor nas 'bab pa yin no/ /gzhan yang ri spos kyi ngad ldang gi phyogs su dpag tshad nyi shu 'das pa na/ brag gser gyi bya skyibs can lha ma yin gyi ngos zhes bya ba dang / de'i byang du dpag tshad nyi shu 'das pa na shing sa la'i rgyal po rab brtan zhes bya ba 'dom bzhi bcu thur du zug pa/ brgya bcu gyen du 'phags pa yod do/ /de'i shar na rdzing bu dal gyis 'bab pa zhes bya ba dang /mtsho ma dros pa na shing 'dzam bu zhes bya ba 'bras bu mngar ba rdza ma tsam dang ldan pa de smin nas chu'i nang du lhung pa na 'dzam bu zhes bya ba'i sgra 'byung la/ shing des mtshon pa'i phyir 'dzam bu gling bya'o/ /gzhan yang gling 'di'i nub phyogs na/ u rgyan rdo rje chen po'i pho brang zhes bya ba rig pa 'dzin pa rnams kyi gnas yod la/ rdo rje theg pa phal che ba de nas byung ngo / /lho phyogs rgya mtsho'i gling na ri gru 'dzin bya ba rtse mo na 'phags pa spyan ras gzigs dbang phyug dang / rtsa ba na rje btsun sgrol ma bzhugs pa'i gnas yod do/ /shar phyogs ri bo rtse lnga na 'phags pa 'jam dpal bzhugs pa'i gnas yod do/ /gzhan yang yul chen po bcu drug dang / yul phran stong dang mi rigs mi 'dra ba sum brgya drug bcu dang / skad rigs mi gcig pa bdun brgya nyi shu yod ces grag go /phyi'i rgya mtsho'i shar phyogs na lus 'phags po zhes bya ba'i gling / gling g.yog gnyis dang bcas pa yod de dbyibs zla gam du gnas so/ /phyi'i rgya mtsho'i byang na sgra mi