[A:8]snyan zhes bya ba'i gling / gling g.yog gnyis dang bcas pa yod de dbyibs gru bzhir gnas so/ /phyi'i rgya mtsho'i nub na ba lang spyod ces bya ba'i gling / gling g.yog gnyis dang bcas ba yod de dbyibs zlum por gnas so/ /'dzam bu'i gling gi khor yug na seng ga'i gling dang / gser gling dang / zla ba'i gling la sogs pa'i gling phran du ma yod pa ni 'dzam bu'i gling du gtogs la/ gling gzhan dag gi gling phran yang de dang mtshungs pa nyid do/ /'di nas steng du dpag tshad bzhi khri 'phags pa'i nam mkha' la/ dwangs shing sgrib pa med la shin tu brtan pa'i rlung gi dkyil 'khor g.yas phyogs su 'khor ba la nyi ma dar / zla ba/ rgyu skar la sogs pa rten zhing de dag la ni nam mkha' la rgyu ba'i lha rnams gnas so/ /ri rab kyi steng na sum cu rtsa gsum pa'i grong khyer lta na sdug dang / de'i dbus na brgya byin gyi pho brang rnam par rgyal ba'i khang bzang / 'dod yon thams cad kyi 'byor pa yod do/ /de nas steng du dpag tshad brgya khri 'phags pa na mtha' bral ba'i lha'i gnas rin po che'i sa gzhi yod do/ /de nas dpag tshad 'bum dang drug khri 'phags pa'i nam mkha' la/dga' ldan pa'i lha'i gnas rin po che'i sa gzhi yod do/ /de nas steng du dpag tshad sum 'bum nyi khri 'phags pa na rin po che'i sa gzhi la 'phrul dga' ba'i lha nams gnas so/ /de nas steng du dpag tshad drug 'bum bzhi khri 'phags pa na rin po che'i sa gzhi la gzhan