[B:2b]bla mar bzung nas rdo rje phreng ba/ bde mchog lu nag dril gsum/ sgrol ma lus dkyil lha bcu bdun ma la sogs pa'i sgrol ma'i bka' 'ga' re/ gshed dmar lha lnga/ mi g.yo bla med/ tshe dpag med grub rgyal ma/ bde mchog mkha' 'gro rgya mtsho/ kye rdor dgra nag 'jigs byed skor gsum/ 'khor chen tshogs bdag dmar chen cha lag dang bcas pa/ dzaM bha la khro bo yum can gyis bskor ba/ gdugs dkar mi 'khrugs pa la sogs pa bka' dang rjes gnang che chung 'dres pa mang po gsan/ blo sbyong gi skor/ gcod zab don thugs snying / bdag thog gcig ma la sogs pa gcod kyi skor tshang zhing rgyas pa gsan nas thugs nyams su bzhes/ sbyor ba yan lag drug /mi g.yo ba'i chos drug /shangs pa'i chos skor/ gzhan yang khrid dang lung mang po gsan zhing thugs nyams su bzhes/ slob dpon rin bzang la mngon pa gsan nas nyug gi chos sder mngon pa dang / phar phyin lo mang tshad gsungs/ shangs spong lha ba rtogs ldan rin rgyal zer ba'i grub thob chen po gcig byung ba chu bo sbugs su 'jug nus pa'i rnal 'byor pa de la pha dam pa'i zhi byed chos skor cha lag dang bcas pa tshang bar gsan/ 'byag pa [A:99]chos rje byams pa dpal la ni gu chos drug gi skor cha lag tshang ba chos skyong phyag drug pa'i chos skor cha lag /mdor na shangs pa bka' brgyud kyi chos skor cha lag dang bcas pa lo bdun brgyad kyi bar du gsan zhing thugs nyams su bzhes/ bla ma khyung lhas pa dang lotstsha ba rin chen rnam rgyal/ bka' bzhi pa shes rab dpal bzang la bu ston rin po che nas brgyud pa'i yo