[A:32]ba grangs med pa gcig tu sangs rgyas bdun khri lnga stong la tshogs gnyis bsags pas tshogs sbyor gyi lam gnyis las 'das te sa dang po rab tu dga' ba thob par gyur to/ /de yang phung po'i rgyun la brdar btags pa'i skye gnas shig stong bzhi'i rang bzhin bar gyi bskal pa brgyad cu la bskal pa gcig tu rtsis so/ /zhes 'chad do/ /de nas grong khyer 'dzam bu chu bo'i gser zhes bya bar rgyal po mdzes par snang ba zhes bya ba'i snang chen po tshong dpon shes rab bzang po zhes bya bar gyur to/ /de'i tshe de bzhin gshegs pa dkon mchog yan lag ces bya ba nyan thos bye ba phrag bcu dang bcas pa 'jig rten du byon pa la rjes su bstan pa thob cing de la lo stong du bsnyen bkur ba nas bzung ste/ bskal ba grangs med pa gcig tu sangs rgyas bdun khri drug stong la tshogs gnyis bsags pas sa gnyis pa dri ma med pa dang / gsum pa 'od byed pa dang / bzhi pa 'od 'phro ba dang / lnga pa sbyang dka' ba dang / drug pa mngon du gyur pa dang / bdun pa ring du song ba ste/ ma dag pa'i sa bdun non nas sa brgyad pa phyir mi ldog par gyur to/ /de nas bram ze'i khye'u sprin zhes bya bar gyur pas slob dpon bram ze rin po che zhes bya ba'i rig byed gsum grangs nges par sbyor ba dang bcas pa shes pa 'khor lha lnga brgya dang lhan cig tu ri bo gangs can la gnas pa zhig la rig byed bslabs nas mkhas par gyur pa dang / bram ze'i khye'us bdag yul du mchi na bdag gis bgyi ba ci mchis zhes smras pa dang / khyod kyis kar sha pa ni lnga brgya byin cig ces smras so/ /de nas des bsnyen bkur gyi rgyu btsal ba'i phyir yul dbus kyi grong khyer dag tu ljongs rgyur song ste/ mthar