[A:37]srungs bar dag tu/ /bdun khri bdun stong tshang ba yi/ /sangs rgyas rnams ni ngas mchod do/ /zhes pa dang / mdzod las/ rnam gzigs mar me rin chen gtsug / grangs med gsum gyi tha mar byung / /dang po shAkya thub pa yin/ /zhes pas grangs tshad dang bcas par 'dod la/ theg chen pas ni ma yin no/ /de ltar grangs med gsum du sangs rgyas dang sems can la phar phyin drug gis tshogs gnyis bsags pas dga' ldan du skye ba gcig gis thogs pa'i byang chub sems dpa' lha'i bu dam pa tog dkar po zhes bya bar gyur to// //
! gsum pa sangs rgyas brnyes pa'i tshul ni/ rgyud bla ma las/ thus rje chen pos 'jig rten mkhyen/ /'jig rten kun la gzigs nas ni/ /chos kyi dbyings las ma g.yos par/ /sprul pa'i rang bzhin sna tshogs kyis/ /skye ba mngon par skye ba dang / /dga' ldan gnas nas 'pho ba dang / /lhums su zhugs dang bltams pa dang / /bzo gnas dag la mkhas pa dang / /btsun mo'i 'khor du dgyes rol dang / /nges 'byung dka' ba spyod pa dang / /byang chub snying por gshegs pa dang / /bdud sde 'joms dang rdzogs par ni/ /byang chub chos kyi 'khor lo dang / /mya ngan 'das par gshegs mdzad rnams/ /yongs su ma dag zhing rnams su/ /srid pa ji srid gnas par ston/ /zhes pas mdzad pa bcu gnyis te/ dga' ldan gyi gnas nas 'pho ba dang / yum gyi lhums su 'jug pa dang | lumbi'i tshal du bltams pa dang / bzo'i gnas la mkhas pa dang / btsun mo'i 'khor gyis dgyes par rol pa dang / nges par 'byung ba dang / dka' ba spyod pa dang / byang chub snying por gshegs pa dang / bdud btul ba dang /