[A:38] sangs rgyas pa dang / chos kyi 'khor lo bskor ba dang / mya ngan las 'das pa'i mdzad pa'o// //
! 'di yang nyan thos pas dang po dgu tshogs lam gyi dang / tha ma gsum sangs rgyas kyi sar 'dod la/ theg pa chen pos dang po dgu sa bcu'i dang / tha ma gsum sangs rgyas kyi mdzad pa'o/ /zhes 'chad cing / kha cig chos kyi dbyings las ma g.yos par zhes pas thams cad kyang thub pa nyid kyis mdzad par 'dod do/ /de la mdzad pa dang po ni/ nyid kyi bsod nams kyi mthu dang / sangs rgyas kyis byin gyis brlabs kyis lha'i rol mo'i sgra dag las/ byang chub sems dpa' la bskul ba'i tshigs su bcad pa/ bsod nams rgya chen tshogs mnga' dran rtogs dang / /blo gros mtha' yas shes rab 'od mdzad pa/ /mtshungs med stobs mnga' mthu rtsal rgya che ba/ /mar me mdzad kyis lung bstan dgongs par mdzod/ /skyes mchog khyod kyi bsod nams dpal gyis ni/ /dga' ldan pho brang shin tu mdzes mod kyi/ /'on kyang thugs rje'i thugs dang ldan pas na/ / 'dzam bu'i rgyal mtshan du ni char pa phob/ /snod gyur gang du nor bu rin po che/ / bzhag na dpal dang ldan par 'gyur ba bzhin/ /nor bu rin chen lta bu dri med thugs| |'dzam bu'i rgyal mtshan du ni char pa phob/ /ces pa gsan pa dang / gling dang / dus dang / yab yum dag la gzigs pas skabs mkhyen nas gshe gas par rtsom pa dang / lha rnams la rjes su bstan pa mdzad de/ chos kyi rgyal mtshan mthon po zhes bya ba gzhal yas khang chu zheng dpag tshad drug cu rtsa bzhi yod pa'i nang du seng ge'i khri la bzhugs nas/ grogs po dag ngas 'chi 'pho