[A:39]rnam par sbyong bar zhes bya ba'i chos bshad kyi tshur shog chos snang ba'i sgo brgya rtsa brgyad 'di dag po ni byang chub sems dpa' 'chi 'pho ba'i tshe bstan par bya'o| |de la dad pa ni chos snang ba'i sgo ste/ bsam pa mi phyed par 'gyur ba'i phyir ro/ /dang ba ni chos snang ba'i sgo ste sems rnyog pa can dwangs par 'gyur ba'i phyir ro/ /zhes pa la sogs pa'i chos bshad pas/ lha'i bu brgyad khri bzhi stong byang chub tu sems bskyed do/ /lha'i bu sum khri nyis stong mi skye ba'i chos la bzod pa thob bo/ /lha'i bu bye ba phrag sum cu rtsa drug chos rnams la chos kyi mig rdul med cing dri ma dang bral ba rnam par dag go zhes so/ /de ltar lha rnams smin par byas te/ gang gi tshe na dga' ldan gnas mchog nas/ /'dren pa skyes bu seng ge 'chi 'pho tshe/ /lha rnams dag la tshig tu smra ba ni/ /grogs dag bag med spyod pa spong bar gyis/ /gang tshe ngas ni byang chub thob gyur te/ /'chi med 'gro ba'i chos char 'bebs pa'i tshe/ /rnam par dag pa'i sems dang ldan pa khyed/ / chos kyi dam pa nyan pa'i phyir gshegs shig /
zhe
sa gsungs nas mi pham pa rgyal tshab tu dbang bskur nas/ thod dang rgyan rnams bkrol nas/ grogs po dag shes par gyis shig kho bo ni mi rnams 'dul ba'i phyir 'dzam bu'i gling du mngon par rdzogs par 'tshang rgya bar 'gro ste/ khyed la ni mi pham pas chos ston par 'gyur ro/ /zhes gsungs pas lha rnams kyis smras pa/ kye byang chub sems dpa' 'dzam bu'i gling pa ni deng sang 'od srungs rdzogs byed dang / kun tu rgyu gnag lhas kyi bu dang / yang dag rgyal ba can dang / mi pham skra'i lwa ba can dang / ka ta'i bu nog can dang / gcer bu pa gnyen gyi bu ste rtog ge pa drug dang / bram