[A:40]ze rgyu rgyal dang / bram ze rna ltos dang / bram ze bzang ldan dang / bram ze tshangs pa'i tshe dang / bram ze padma'i snying po dang / bram ze dmar po ste rjes su sgrogs pa drug dang / rengs byed kyi bu lhag spyod dang / sgyu rtsal shes kyi bu ring 'phur dang / kun tu rgyu rab bzang dang / bram ze'i khye'u kun rgyal dang / drang srong nyon mongs med dang / lteng rgyas 'od srungs dang (te)/ snyoms par 'jug pa drug ste/ rtog ge ba drug gsum bco brgyad kyis ma rungs par bgyid pas der gshegs pa'i skabs ma lags so/ /byang chub sems dpas gsungs pa/ grogs po dag dung gi sgras sil snyan gzhan rnams sam/ nyi ma'i 'od kyis 'od gzhan ltar de rnams nga nyid kyis zil gyis gnon par nus so/ /zhes so/ /de nas lha rnams kyis byang chub sems dpa' nyi ma'am zla ba'am seng ge la sogs pa gang gi rnam pas yum gyi lhums su bzhud ces zhus pa las/ tshangs ris kyi lha'i bu gzi brjid dam pas smras pa/ glang po che'i rnam pas bzhud par rigs so zhes zer ro| |de nas byang chub sems dpa' lo bcu gnyis na yum gyi lhums su 'jug par shes nas/ gtsang ma'i ris kyi lha'i bu bdud rtsi don du gnyer ba dag ni/ rang gi lus mi snang bar byas/ 'dzam bu'i gling du bram ze'i cha byad du skye ba bzung nas bram ze rnams la 'di skad ces gang zhig rnam pa 'di lta bur mngal du zhugs na/ mtshan sum cu rtsa gnyis dang / khyim na gnas na 'khor los bsgyur ba'am| rab tu byung na lha dang mi'i ston par 'gyur ro zhes rig byed 'don du 'dzud do/ /lha'i bu gzhan dag kyang der skye ba blangs nas rang sangs rgyas rnams la 'di skad ces/ 'phags pa dag da ste lo bcu gnyis na byang chub sems