[A:41]dpa' yum gyi lhums su 'jug gis zhing 'dir 'or cig ces bskul ba dang / rgyal po'i khab na rang sangs rgyas glang po che zhes bya ba dang / wA rA Na sI'i rang sangs rgyas lnga brgya rnams shing tA la bdun srid du nam mkha' la 'phags te/ me'i khams la snyoms par zhugs nas lus ye shes kyi mes zad par byas te ring bsrel 'ba' zhig bor zhing nam mkha' la gshegs so/ /de'i tshe lha'i bu rnams kyi bsam par yul chen po drug na rgyal po'i pho brang bdun yod de/ ma ga dhA dang / ko sa la dang / bad sa la dang / yangs pa can dang / 'phags rgyal dang | bcom brlag dang / ha ri pu ra zhes bya ba thams cad skyon dang bcas par rig nas/ lha'i bu ye shes tog gi rgyal mtshan la sogs pas/ byang chub sems dpa' nyid gang du skye bar bzhed zhus pas/ grogs po dag rgyud dang / cho 'brang 'khor dang / yo byad la sogs pa yon tan drug cu rtsa bzhi dang ldan pa'i rigs dang | yum yang mkhas pa dul ba/ mang du thos pa des pa la sogs pa yon tan sum cu rtsa gnyis dang ldan pa'i mngal du 'jug go /zhes gsungs so/ /de rnams kyis bltas pas shAkya'i rigs dang / shin tu legs par rtogs kyi bu mo lha mo sgyu 'phrul nyid la snang ngo zhes sgrogs par byed de/ 'dzam bu'i gling 'dir kun tu bltas pa na/
/
rgyal rigs rgyal brgyud che ba gang yin pa/ /kun kyang skyon dang bcas par rjes bsams nas/ /shAkya'i rigs ni skyon dang bral bar mthong | |zhes so// //
! gnyis pa lhums su 'jug pa ni/ me mo yos kyi lo dpyid zla tha chung skar ma sa ga'i nya'i tshe sprul pa lus len kyi tshul bram ze rnams kyi rig byed las