[A:43]lha mo sgyu 'phrul lumbi'i tshal legs par brgyan par gshegs pa dang / gtsang ma'i lha rnams kyis phyag bya ba'i shing ljon pa blakSha zhes bya bas lha mo la btud de phyag byas so/ /de nas yum gyis phyag g.yas pa shing de nyid kyi yal ga la 'jus te bya brnyong mdzad cing bzhugs pa'i tshe/ yum la gnod pa med par sku rtsibs logs g.yas nas dpyid zla ra ba nya'i nyin la nyi ma shar ma thag skar ma rgyal la btsas pa na/ lha rnams kyis me tog gtor zhing / lha'i dbang po brgya byin rgan mo gcig tu sprul nas blangs pas de'i nga rgyal bcag pa'i phyir nang du gshegs te slar la zhum pa bsal ba'i phyir byon pa na/ brgya byin dang tshangs pas ka shi ka'i ras kyis blangs so/ /de'i tshe mi mjed kyi bdag po tshangs pas rin po che bkod pa tshangs pa'i 'jig rten du mchod pa'i phyir gyen du bteg nas khyer ro/ / de nas klu'i rgyal po dga' bo dang / nye dga' bos dri zhim po'i chus khrus byas pa dang | ko'u shi ka nga thong gsungs nas ma brten par phyogs bzhi dang steng 'og tu gom pa bdun bdun bor ba dang padma byung ste/ nga ni 'jig rten 'di na mchog go/ phul lo/ /skye rga na 'chi mthar phyung ngo / /bdud kyi sde gzhom mo/ /zhes dam bca' bas seng ge'i sgra bsgrags so/ /yab sras mjal ba'i mdo las/ gang tshe rkang gnyis gtso bo khyod bltams tshe/ /sa chen 'di na gom pa bdun bzhud de/ / nga ni 'jig rten 'di na mchog ces gsungs / /de tshe mkhas pa khyod la bdag phyag 'tshal/ /zhes so/ /de'i tshe bkra shis pa'i dge ltas sum cu rtsa gnyis byung ste phyogs mtshams thams cad du snang bas khyab pa dang / ma ga dhAr padma chen po'i bu gzugs can snying po dang / ko sa lar tshangs byin gyi bu gsal rgyal dang /