[A:44] 'phags rgyal du mu khyud mtha' yas kyi bu rab snang dang / ko'u shAmbIr 'phags rgyal gyi bu 'char po ste yul chen po bzhir rgyal phran
(sras )
bzhi btsas pa dang / 'dun pa la sogs pa'i rim gro pa lnga brgya dang / bsngags ldan la sogs pa'i rte'u khri dang / cang shes la sogs pa glang po che lnga brgya skyes pa dang / gter kha lnga stong kha bye bas rgyal bu don thams cad grub pa zhes pa dang / shAkya mi bsrun pa thams cad thub pa bzhin du 'dug pas shAkya thub pa zhes dang / bris sku la sogs kyis phyag byas pas lha'i lha zhes btags so/ /de'i tshe ri bo gangs can la gnas pa'i drang srong nag po zhes bya ba mngon par shes pa lnga dang ldan pa zhig gis tshor ba dang / snag po mes sbyin gyis mkhan po nyi ma thams cad shar ram zhes pa la/ drang srong gis/ nyi ma'i 'od tsha 'di dag bsil/ /kun tu 'jug pa thub chen 'od/ /byang chub sems dpa' 'od po che/ /lhums nas bltams par gdon mi za/ /zhes gsungs te rgyal po'i khab tu rdzu 'phrul gyis 'ongs ba dang / rgyal pos/ drang srong chen po ci'i slad du byon zhes pa la/ rgyal po bdag ni khyod kyi sras/ /blta bar 'tshal nas mchis lags te/ /'jig rten gtso bo rnam 'dren pa'i/ /thub pa de ni blta bar 'tshal/ /zhes pa dang / rgyal pos gzhon nu gnyid du song ngo zhes smras pa dang / rta rnams kyi ni rigs dag ni/ /nam gyi gung la nyal bar ltar/ /dgos pa don du gnyer rnams kyi/ /mig la yun ring gnyid mi gnas/ /zhes te gzhon nu gnyid log pa la gzigs pas/ de cir 'gyur shes te ngo mtshar ba dang mya ngan skyes/ de'i zhabs la phyag 'tshal zhing bskor ba byas nas gdong mchi ma dang bcas pas/ bram ze rnams kyis ci zhig tu lung