[A:45]bstan zhes pa la/ rgyal pos bram ze rnams kyis lung ji ltar bstan lugs smras pa| btsas gyur gzhon nu de yi mtshan bltas nas/ /sum cu rtsa gnyis mtshan gyis brgyan par mthong / /'di ni gnyis su 'gyur te gzhan du min/ khyim du bzhag na 'khor los bsgyur rgyal lam/ khyim nas khyim med rab tu byung gyur na// 'dren pa gzhan gyi dring la mi 'jog pa/ /'jig rten 'dir ni mngon rdzogs byang chub 'gyur/ /zhes pa la drang srong gis smras pa/ sa bdag rtog gai rnams kyi blo gros 'khrul/ /dus kyi mthar ni 'khor los bsgyur mi 'byung / /'di ni bsod nams mchog gi chos kyi mdzod/ /nyes pa rnams las rgyal ba'i sangs rgyas 'gyur| |mi gsal mtshan ni mi yi dbang po ste/ /shin tu mtshan gsal thub dbang rdzogs sangs rgyas/ /mi mchog chos kyi 'khor lo bskor bar 'gyur/ / zhes pa dang / rgyal pos gzhon nu la bkra mi shis pa med dam zhes dris pa dang / gal te 'di ltar nam mkha' la/ /rdo rje'i char drag bab gyur kyang / /thub chen sku yi khung bu gcig /kun tu bskyod par nus ma yin / /zhes so/ /'o na khyod ci'i phyir ngu zhes pa la/ mi dbang bdag ni chos mchog mdzod 'di dang / /phrad nas don ma grub par 'chi 'gyur te/ /zhi ba mi 'thob rang gi nyes mthong nas/ /de yi slad du bdag ni ngu bar bsam/ /zhes te tsha bo la khyod 'di'i drung du rab tu byung la tshangs par spyod cig bdud rtsi thob par 'gyur ro zhes smras nas/ rkang gis rang gi gnas su song ngo/ /de nas zhag bdun lon pa dang yum tshe'i dus byas te sum cu rtsa gsum gyi lhar skyes pas sru skye rgu'i bdag mo la sogs pa/ pang du len pa dang /nu ma mnun pa dang / dri ma 'khru ba dang / rtsed mo rtse ba'i ma ma brgyad