[A:46]dam sum cu rtsa gnyis kyis rgya mtsho'i padmo bzhin du bskyed bsrings so// //
! bzhi pa bzo'i gnas la mkhas pa ni/ de nas tsan dan sbrul gyi snying po las byas pa'i shing lha'i tshon gyis byugs pa gser gyi yang mig can nor bu rin po ches brgyan pa thogs te/ byis pa kun gyi bshes gnyen gyi yi ge'i grwar byon nas/ slob dpon la lha dang / klu dang / dri za dang / mi'am ci la sogs pa'i yi ge drug cu rtsa bzhi la dris pas/ slob dpon gyi zhal nas bdag gis ni de dag gi ming yang mi shes so/ /zhes zer bas/ byang chub sems dpa' nyid mkhas par gyur te/ sems can dag pa ngo mtshar che/ /bstan bcos kun la bslabs gyur kyang / /'jig rten rjes su gzung ba'i phyir/ /yi ge'i grwar ni byon par gyur/ /zhes so/ /de'i tshe byang chub sems dpa'i byin rlabs kyis/ yi ge'i phyi mo bslab pa'i tshe a zhes brjod pa na 'du byed thams cad mi rtag pa'o/ /zhes dang | A zhes brjod pas chos thams cad bdag med pa'o/ /zhes pa la sogs pa'i sgra byung bas/ byis pa sum khri nyis stong smin par byas so/ /de nas rtsis pa shAkya srid sgrub kyi drung du byon nas stong gsum la rdul phra rab ji tsam yod pa'i rtsis dang / shod dgod pa dang / 'phong dang / gyad kyi 'dzin stangs la sogs pa/ 'jig rten pa'i bslab pa'i gnas thams cad la thogs pa med par shes te slob dpon bas lhag par gyur te/ de'i tshe byang chub sems dpa' zhing pa'i grong du gshegs te/ dzambu'i grib ma la bzhugs nas chos la so sor rtog pa dang / yab kyis byang chub sems dpa' btsal bas nyi ma yol kyang dzam bu'i grib mas ma btang bar/ lha'i drang srong gzhon nu drug gis phyag 'tshal ba gzigs nas/