[A:47] yab shin tu dad par gyur nas phyag 'tshal ba yab sras mjal ba'i mdo las/ gang tshe thub chen zhing pa'i grong bzhud tshe/ /dzam bu'i grim mas bzhud pa ma btang zhing / /lha bu gzhon nu drug gis bstod gyur pa/ /de'i tshe mkhas chen khyed la bdag phyag 'tshal/ /zhes so// //
! lnga pa btsun mo'i 'khor gyis rol pa ni/ de nas byang chub sems dpa' lo bco lnga bzhes pa'i tshe/ yab la sogs pas 'khor lo'i bsgyur ba'i gdung mi bcad pa'i phyir/ khab bzhes par zhus pa dang / des 'di snyam du/ 'dod pa'i skyon rnams mtha' yas bdag gis rig /'thab mo 'khon bcas mya ngan sdug bsngal rtsa/ /'jigs byed dug gi lo ma dang 'dra ste/ /me dang 'dra zhing ral gri'i so dang 'dra/ /'dod pa'i yon tan bdag 'dod ma yin te/ /bdag ni bud med tshogs dang mdzes ma yin/ /bsam gtan ting 'dzin bde bas zhi sems su/ /bdag ni mi smra nags tshal gnas par bya/ /zhes te ma gnang ba dang |slar yang bsam pa/ ljan ljin 'dams gyi grong nas padma'i 'dab ma rgyas// mi rnams gang ba'i gnas nas rgyal pos mchod pa thob/ /sngon tshe rgyal ba rnams kyang btsun mo'i 'khor nas ni/ /mngon par byung nas zhi ba rab tu thob pa yin// snyam du dgongs nas zhal gyis bzhes pa dang / /de'i tshe rgyal pos bram ze mdun na 'don la khyed ser skya'i grong khyer du song la yon tan dang ldan pa'i bu mo ltos shig ces bsgo ba dang / byang chub sems dpas bu mo'i yon tan bris te bskur ba| shAkya lag na be con gyi bu mo sa 'tsho ma mthong nas gtad pa dang / bu mos smras pa/ bram ze yon tan 'di dag bdag la kun tshang gi /gal te gzhon nu