[A:48]bzhed na phyi bshol ma mdzad par/ /brgya la skye bo gzhan dang bzhugs par gyur yang 'da'o/ /zhes so/ /de nas yab kyis bu mo rnams la dga' ston byin pa'i tshe sa 'tsho mas byang sems dang lha/ bdag gis ci nongs zhes pa la/ khyod phyis te 'ongs so zhes sor gdub sbyin pa ma 'dod pa dang de rnams rgyal po la brjod do// de nas rgyal pos lag na be con la bu mo byin cig ces springs pa dang / lag na be con gyis smras pa/ kho bo'i bu mo sgyu rtsal shes pa la gtong gi gzhan la mi gtong ngo zhes pa dang / rgyal po thugs mug pa rgyal bu nyid kyis thos nas lha bdag gis sgyu rtsal bstan par bgyi'o zhes gsol ba dang / shAkya lnga brgya tsam tshogs pa la lag na be con gyis sgyu rtsal su rgyal ba des sa 'tsho ma khyer cig ces bsgo'o/ /de'i tshe byang chub sems dpa'i bzhon pa khrid pa'i glang po che lha sbyin gyis mthong nas khros te thal mos bsad pa dang / mdzes dga' bos 'di yi mjug ma nas bzung ste grong khyer gyi sgo nas phyir bor ro/ /de nas byang chub sems dpa' shing rta la bzhugs bzhin du zhabs kyi mthe bos glang po che de rgyang grags gcig tu 'phangs pa dang / lha rnams kyis tshigs su bcad de smras pa/ glang po'i dbang po rdo bzhin du bzhud pa/ /zhabs kyi mthe bos glang po de blangs te| |ra ba bdun dang 'obs bdun rab 'das nas/ /grong khyer de yi phyi rol rgyang ring 'phangs/ /zhes so/ /gzhan yang btsun mo'i phyir gzhon nu thams cad kyis byis pa kun gyi bshes gnyen dpang du bzhag te yi ge dang / shAkya srid sgrub dpang du bzhag ste rtsis dang mtshon cha bskor ba dang / mchongs pa dang / bang dang | rkyal dang / mdas steng gi nam mkha' la yang dang yang du 'phangs pas