[A:49]mda' rnams gcig nas gcig tu brgyud de sa la lhung ba dang / kun dga' bos rgyang grags bzhi dang / lha sbyin gyis dpag tshad gcig dang / mdzes dga' bos phyed dang gnyis dang / lag na be con gyis dpag tshad gnyis kyi pha rol du lcags kyi rnga re re 'ben du btsugs te 'phangs pas rang gi la phog nas thal gyis byung ba dang / byang chub sems dpas dpag tshad phyed dang gsum gyi pha rol du lcags rnga gcig dang / shing tA la bdun dang lcags kyi phag rgod kyi gzugs gcig btsugs te/ gdan las ma bzhengs rtsol ba ma mchis par/ /thub pas gnam ru 'di 'dra bdungs pa las/ /gdon mi 'tshal bar dgongs pa rdzogs gyur te/ /bdud kyi sde bcom myur du thub par byon/ /zhes pas mes seng ge 'gram gyi gnam ru zhes bya ba sor mo gcig gis bdungs nas 'phangs pas/ 'ben snga phyi thams cad las thal te sa la nub nas khung bu zhig byung bas mda' chu khron pa zhes grags so/ /de nas shAkya sum cu rtsa gnyis kyis stobs 'gran pa na| phyag g.yas pas lha sbyin nam mkha' la bskor te 'phangs nas lus la gnod pa med par byin gyis brlabs pas/ rgyal bu nyid mchog tu 'phags par gyur pa dang thams cad ngo mtshar du gyur te/ phyogs bcu'i sems can gang rnams ji snyed pa/ /de dag gyad chen stobs po che 'dra la/ /cig car skyes bu'i mchog la rub gyur kyang / /reg pa tsam gyis sa la 'gyel bar 'gyur/ /zhes pa dang | 'di ni sa yi snying po sngon gyi sangs rgyas gdan la bzhugs/ /zhi gnas gnam ru thogs shing stong pa bdag med mda' rnams kyis/ /nyon mongs dgra rnams bcom ste lta ba'i dra ba dral nas su/ /byang chub dam pa zhi ba rdul med mya