[A:50]ngan 'das pa thob/ /ces so/ /de nas skye ba lnga brgya smon lam btab pa'i shAkya sa 'tsho ma dang / bram ze dril bu sgra'i bu mo grags 'dzin ma/ bram ze legs par dul gyi bu mo legs skyes ma dang / ri dwags 'dzin ma ste/ gtsun mo'i gtso mo nyi khri dang
rgya cher rol pa nas brgyad khri bzhi stong zer
bcas pa khab tu bzhes te/ dga' ba rol bar spyod do/ /gal te lha sbyin 'di rtag par gnod pa skyel bas dgra ma yin nam snyam na ma yin te/ dam pa'i chos padma dkar po las/ lha sbyin 'di ni nga yi dge ba'i bshes gnyen te/ /lha sbyin la brten nga yi pha rol phyin drug rdzogs phyir ro/ /zhes so// //
! drug pa nges par 'byung ba ni/ byang chub sems dpa' dus las mi 'da' yang phyogs bcu'i sangs rgyas kyis bskul ba chos nyid yin pas/ nam mkha'i sil snyan gyi sgra las/ rgya che rol pa las/ sdug bsngal brgyas gang sems can mthong nas ni/ /'gro ba'i mgon dang skyabs dang gnas gyur zhing / /phan byed mchog dang dpung gnyen gyur cig ces/ khyod kyis sngon ni smon lam de skad btab| |'chi med mya ngan med par sangs rgyas nas/ /sngon gyi smon lam tshig mchog dran gyis la/ /grong khyer 'di nas myur du mngon par byung / /zhes bskul ba gsan pa dang / zhag bdun na rab tu byung bar bzhed pas/ skyed mos tshal du gshegs pa na grong khyer gyi phyogs bzhi dang / dbus su nags tshal gyi lhas sprul pa'i skye rga na 'chi dang / dge sbyong gi dngos po gzigs pa la mkhyen bzhin du 'dun pa la dris te/ bdag kyang sdug bsngal 'di lta bu myong bar 'gyur snyam nas| yab yum la zhus pas ma gnang ste/ 'dod pa'i yon tan gyis brid cing