[A:53]rdzogs par mdzad pa dang po de yang 'dun pas mthong nas/ mchod rten brtsigs pas ngur smrig blangs pa'i mchod rten zhes grags so/ /de nas 'dun pas grong khyer ser skyar phyin nas don rnams bsnyad pas thams cad kyi mya ngan zhi bar gyur to|| ||
! bdun pa dka' ba spyad pa ni/ de nas phyi rol pa'i lta spyod lam ma yin par bstan pa'i don du/ mthar gyis grong khyer yangs pa can 'jig rten na gdams ngag che bar grags pa/ sgyu rtsal shes kyi bu ring 'phur/ khyod la tshangs par spyad pa spyod do/ /zhes pa dang / des kyang ci yang med pa'i chos bstan te/ slob ma la chos ston du bcug pa dang des sun phyung nas rim gyis ma ga dhA'i rgyal po gzugs can snying po dga' bar byas te/ de'i rengs byed kyi bu lhag spyod dag rgyal po'i khab na slob ma mdun brgya la 'du shes med min gyi chos ston pa'i gdams ngag bsgoms te/ de dag mngon du gyur nas grogs dag khyod kyi lam 'di nges par 'byung ba ma yin/ 'gog pa ma yin/ zhi ba ma yin/ 'dod chags dang bral ba ma yin zhes sun phyung ba dang / de dag gi 'khor las yongs su chad pa'i slob ma lnga sde dang 'grogs te/ ma ga dhA'i ri ga ya'i rtsar phyin pas dper na gtsubs shing dang gtsubs stan rlon pa chur bcug ste gtsubs na me mi 'byung ba bzhin du/ dge slong dang bram ze rnams kyi lus sems rnam par g.yengs te/ 'dod pa la zhen cing sred pas ye shes mi 'thob bo/ /yang dper na gtsubs shing dang gtsubs stan chur ma bcug kyang rlon pas me mi 'byung ba bzhin du de dag gi lus sems dben par gnas kyang 'dod pa la sred cing chags pas ye