[A:62]'di rtogs kyis/ gzhan la bstan kyang khong du mi chud pas don du mi 'gyur snyam nas|zab zhi spros bral 'od gsal 'dus ma byas/ /bdud rtsi lta bu'i chos shig bdag gis brnyed/ /su la bstan kyang go bar mi 'gyur bas/ /mi smra nags kyi nang du gnas par bya/ /zhes gsungs te thugs las chung ba la gzhol ba na/ 'jig rten kun la snying rje mtha' yas pa/ /gzhan gyis gsol ba btab pas nga mi ston/ /skye bo 'di dag tshangs la dad pa ste/ /de yis gsol ba btab na 'khor lo bskor/ /zhes pas smin mtshams nas 'od zer spros te/ tshangs pa gtsug phud can la reg pa dang / des lha'i 'khor 'bum phrag drug cu rtsa brgyad dang bcas pa/ sangs rgyas kyi drung du phyin te/ ye shes chen po mchog gi dkyil 'khor bsgrubs nas ni/ /phyogs bcu rnams su 'od zer rnam par 'gyed mdzad de| |ye shes zer gyis mi yi padmo kha 'byed pa/ /smra ba'i nyi ma de ring ci slad btang snyoms bzhugs/ /zhes zhus pa na/ ci'ang mi gsung bas gnang ba slar yangaX 'gyuraX roX/ /yang tshangs pas bcom ldan 'das kyis bdud rtsi brnyes kyang thugs las chung ba la gzhol bas sems can rnams ma rungs par 'gyur ro/ / zhes brgya byin sbran pa dang / brgya byin gyis/ zla ba nya ba gza' las thar pa ltar/ khyod kyi thugs ni shin tu rnam par grol/ /g.yul las rnam par rgyal babazhengs gsol te/ /'jig rten mun par shes rab 'od dbyung gsol/ /zhes pa dang / tshangs pas/ g.yul las rnam par rgyal ba bzhengs su gsol/ /'jig rten mun par shes rab 'od dbyung gsol/ /kun tu 'tshal bar mi 'gyur mchis lags kyis||thub pa 'od kyi chos ni bstan du gsol/ /zhes zhus pa'i lan du/ tshangs