[A:63] pa nga yis tha ba kun/ /bcom nas tshegs chen gyis rtogs pa'i/ /chos 'di srid par chags rnams kyis/ /bstan kyang bde blag rtogs mi nus/ /zhes pa dang / skyes bu 'dod pa rnams kyis bcings / /rgyun gyi rab tu bsdams pa yis/ / rgyu las ldog pa'i chos 'di ni/ /bstan kyang rtogs par 'gyur ma yin/ /zhes gsungs nas ma gnang ste/ yang sngon mar me mdzad kyis thub pa lung bstan pa'i tshe| smon lam btab pa'i byang chub sems dpa' chos kyi 'khor lo bskor ba zhes bya bas/ gser gyi 'khor lo rtsibs stong dang ldan pa phul ba dang / tshangs pa la sogs pas/ ma ga dhA yi yul 'dir sngon chad chos/ /ma dag dri ma'i rjes su 'brel ba byung / /bdud rtsi'i sgo ni dbye bar mdzod cig chos/ /rdul bral dri ma med par bstan du gsol/ /zhes zhus so/ /rgya che rol pa las/ mi yi seng ge khyod ni sangs rgyas 'gyur ro zhes/ /gang tshe mar me mdzad kyis lung bstan pa/ / de tshe bdag gis smon lam 'di btab ste/ /rdzogs pa'i byang chub brnyes nas bdag gis chos bshad bskul/ /zhes so/ /de nas gdul bya rigs can gsum la gzigs nas gsung bar dgongs te/ tshangs pa la/ ma ga dhA yi sems can gang su dag /rna bar ldan zhing dad dang ldan gyur pa/ /mi tsheX rtag tu dam pa'i chos nyan pa/ /de dag la ni bdud rtsi'i sgo dbye 'o/ /zhes gsungs te gnang ba dang | tshangs pas grogs po dag de bzhin gshegs pas chos kyi 'khor lo bskor bar gnang ngo zhes pa gong nas gong du tshangs ris kyi lha man chad la bsgrags so// //
gnyis pa don gsum gyis chos gsungs pa'i tshul la 'khor lo gsum