[A:83] bdag gis dgongs pa ma lus kun gyis so/ /dad cing rab tu gus pas bla ma de'i| |phyi bzhin ba glang bdag kyang de ltar song / /zhes so/ /de nas gang pos ring bsrel dang / chos gos dang lhung bzed bsdus nas 'od srungs la sogs pa la phul te/ mgon po'i sku ni med par des thos nas/ /bsod nams las kyis zhi bar rab tu song / /de yi chos gos lhung bzed 'di yin te/ /des bsam dge 'dun rnams la bzod par gsol/ /zhes pa dang / 'od srungs kyis/ shirsha'i grong mchog ba glang bdag /bsod nams las kyis zhir gyur pa/ khyed cag de bzhin bsam mi bya/ /'dus te 'gro don phyir blangs bya/ /zhes gsungs nas kun dga' bo so so'i skye bo yin kyang mdo sde gtad pas chu'i zhal ta bar bcug go |de'i tshe ma skyes dgras 'od srungs la smras pa/ thub pas ni bdag ma sbran na khyod 'da' ba'i tshe sbron cig ces so/ /de nas 'od srungs kyis mnyam par bzhag nas gzigs pas kun dga' bo la dgra bcom pa'i skal pa yod cing skyo bas 'dul bar mkhyen te/ dge slong gi dge 'dun gangs kyi glang po ltar gnas pa rnams kyi nang na/ khyod 'dod chags kyi rdul la gnas pa sdod par mi 'os pas song zhig ces pa dang / kun dga' bos bsam pa/ khye'u bzhi'i ting nge 'dzin gyi mdo las/ sgra gcan 'dzin 'di nga yi bu//kun dga' bo ni go re long // 'di gnyis drang srong che rnams la/ /mngon sum du ni yongs su gtad/ /ces pas bdag cag gnyis gnyer gtad kyang de mi byed par skrod pa snyam ste/ bdag gi lta ba dang tshul khrims kyang ma nyams na ci'i phyir skrod ces pa dang / khyod chos kyi rgyal po'i zhabs 'bring lta ba dang / tshul khrims ma nyams pa la ngo mtshar ba ci