[A:86] de'i rjes la 'phags pa nye ba 'khor bzhugs pa la/ 'od srungs kyis snga ma bzhin du zhus pa dang / des kyang 'di skad bdag gis thos pa dus gcig na/ bcom ldan 'das gnyan yod na bzhugs te/ zhes pa nas/ sham thabs zlum po dang chos gos zlum po dang / pham pa las 'phros pa/ dus gang gi tshe/ yul gang du| gang zag gang la/ chos gang gsungs pa'i gdul byar gtogs pa'i 'dul ba thams cad bsdus te/ snga ma bzhin du babs so/ /de'i rjes la 'od srungs kyis dge slong dag bcom ldan 'das kyis gsungs pa'i ma mo gang yin pa de ni bdag nyid kyis bsdu bar bya'o/ /zhes khri de nyid la bzhugs nas/ dus gang gi tshe| yul gang du/ gang zag gang la/ chos gang gsungs pa'i mngon pa thams cad bsdus pa dang / kun shes kauNDi Nya la sogs pas bsngags so/ /de'i tshe 'od srungs kyis/ kye ma stobs bcu mnga' ba'i gsung ni tshad med pa'i/ /'gro la phan phyir chos kyi bstan bcos 'di bsdus pas/ /gang na 'jig rten blo ngan mun byed chud zos pa/ /blo gros rab rib bsal nas sgron mer yang dag bstan/ / bdag gis thub pa'i sde snod la/ /yang dag bsdus nas chos la bzhag /gcig nas gcig tu yun ring bar/ /ston pa'i bstan pa gnas gyur cig /ces gsungs nas slar yang 'di skad ces/ kun dga' bo shes par gyis shigabacom ldan 'das kyis bstan pa nga la gtad do/ /ngas kyang khyod la gtad do/ khyod kyis rgyal po'i khab na ded dpon zhig gi bu sha na'i gos kyis g.yogs pa zhig rgya mtsho las log nas thub pa'i bstan pa lo lnga'i dus ston byed pas de la gtod cig ces pa nas ma skyes dgra na bas gnyid du song ngo / /de nas bdag