[A:87]nyid ri bya rkang can la 'dzegs te ri gsum gyi dbus su rtswa bting nas gos phyag dar khrod kyi gos gyon te/ bdag gi lus ri gsum gyis g.yogs la ma skyes dgra 'ongs nas sgo phye ste byams pa'i bstan pa ma rgyas kyi bar du byin gyis brlabs par gyur cig ces brjod nas mya ngan las 'das so/ /de'i tshe ma skyes dgra gnyid sad pa dang kun dga' bos khrid do/ /'od srungs kyi spur bstan pa na rgyal pos 'di zhugs la bzhen par bgyi'o zhes pa la/ 'di ni byams pa'i gsung rab byung gi bar du byin gyis brlabs te nyan thos bye ba phrag dgu bcu rtsa dgus sbyangs pa'i yon tan blangs nas dgra bcom pa mngon sum du byed do/ / zhes so/ /de nas ma skyes dgras smras pa/ kun dga' bo 'od srungs kyis bdag ma sbran pas khyod 'da' ba'i tshe bdag sbron cig ces so/ /de nas sha na'i gos can rgya mtsho las log nas/ kun dga' bo 'od ma'i tshal na bzhugs pa la phyag 'tshal de/ bdag lo lnga'i dus ston bgyid par 'tshal na/ bcom ldan 'das gang na bzhugs zhes pa la de 'das so zhes brjod pas/ brgyal te brgyal sangs pa na lo lnga'i dus ston byas nas rab tu byung ste chos thams cad khong du chud par gyur to/ /de'i tshe kha cig gis/ kun dga' bo yang rgas par gyur/ de'i dran pa yang nyams par gyur zhes brjod pa kun dga' bos gsan pa dang / ya rabs de dag sngar 'das te/ /gsar bu de dang bdag mi mthun/ /bdag ni gcig pu bsam gtan la/ /sgo nga las skyes bzhin du gnas/ /zhes te sha na'i gos can shes par gyis shig 'od srungs kyis nga la bstan pa gtad do/ /ngas khyod la gtad do/ khyod kyis yul bcom brlag nas spos tshong sbas pa'i bu nyer